etter alle børene er borne inn
når borna er ferdigleikte og klypene ligg i boksane sine
medan seinhausten sleikjer oppetter halvfrosne gjerde
og i det skulen skulle ha starta

då byrjar tørkehuset å blenkje
som ei lita peterskyrkje
med handa rundt heilage håp

som vårvindar med tørke på to timar
som jentehanda i storeneven
og lik ein salme
sprengjer tørkesnorene seg gjennom snøen i januar
og ber fram bøna om at morsbarmen frå i fjor
med tørre klede og oppbretta armar
skal kome attende med varmhuda si
og vekkje ein opp att
so bakkefrosten
fer

Gogn:
Rammevev

Materiale:
Handspunnen, svart spælsauull frå Borgo
Granrøter frå rotvelter i Haugamarka
Kvae frå Haugamarka

Storleik:
50 x 50 x 26 cm
(tørkehuset i storleik 1 : 16, modell for stor skulptur)

År:
2021

Foto:
Marthe Minde